„Qish halovati“, toʻliq nomi „Saylanma. Qish halovati. 4-jild“ — oʻzbek shoiri Erkin Vohidov qalamiga mansub sheʼriy asarlar toʻplami. Yana yetti kitob — „Bahor tarovati“, „Yoz harorati“, „Kuz saxovati“, Qalb sadoqati", „Erk saodati“ asarlaridan hamda ikki jild badiiy tarjimalardan iborat „Toʻla asarlar toʻplami“ deb nomlangan sakkiz jildli toʻplamning toʻrtinchi jildi. 2016-yil Toshkent shahrida „Sharq“ nashriyot-matbaa aksiyadorlik kompaniyasi bosh tahririyatida chop etilgan. Toʻplamga kiritilgan ilk toʻrt kitob umrning toʻrt faslini ifoda etuvchi asarlarni oʻzida jamlagan boʻlib, toʻrtinchi jild qish fasli va keksalikka bagʻishlangan.Toʻplamga asosan shoir umrining soʻnggi yillarida yozgan sheʼrlar va bitta drama kiritilgan. Shuningdek, kitobning ikkinchi yarmidan Vohidov qalamiga mansub adabiy maqolalar oʻrin olgan. Source: Wikipedia (uz)