Linard Bardill ei naschius ils 16-10 1956 a Cuera ed ha passentau sia entir’affonza e giuventetgna el Grischun. Duront siat onns ha el frequentau igl internat ad Aschera. Anno 1977, suenter ch’el haveva fatg sia matura ha el fatg in viadi da sis meins ell’India per autostop. Puspei en Svizra ha el entschiet cun siu studi da teologia a Turitg. Quel ha el finiu anno 1984. Avon che Linard Bardill ha entschiet a far teater vendeva el poesias screttas a maun. Suenter ha el entschiet cun sia carriera sco cantadur e cabaretist. Els davos onns ha el era entschiet a scriver cudischs per affons. Source: Wikipedia (rm)