الملفوظ یا ملفوظات اعلیٰ حضرت اردو زبان میں ایک کتاب ہے، جسے مفتی اعظم ہند مصطفٰی رضا خان قادری نے ترتیب دیا ہے۔ اس میں امام احمد رضا خان سے پوچھے گئے زبانی سوالات اور اُن کے جوابات درج ہیں۔ یہ سوالات خود مفتی اعظم ہند نے کیے تھے اور تقریباً تین سال کے دوران میں پوچھے گئے سوال و جواب کا مجموعہ ہے۔ یہ کتاب چار حصوں پر مشتمل ہے اسے ہندوستان اور پاکستان میں کئی پبلشرز نے کئی بار شائع کیا ہے۔ مکتبۃ المدینہ نے پاکستان میں اس کتاب کے چاروں حصوں (اردو) کو اکٹھا ایک جلد میں شائع کیا ہے۔ اس کے علاوہ جنوبی افریقا سے اس کا انگریزی میں ترجمہ چھپا ہے۔ یہ ترجمہ جناب عبدالہادی القادری نے کیا ہے۔ Source: Wikipedia (ur)