„Luqmoni hakim“ — oʻzbek xalq ertaklari, naqllari va latifalari toʻplami. Toʻplamni Toʻra Mirzayev va Zubayda Husainova nashrga tayyorlagan. Ertaklarni Nurali Nurmat oʻgʻli aytib bergan. Kitob 1990-yil Toshkent shahrida Gʻafur Gʻulom nomidagi Adabiyot va sanʼat nashriyotida chop etilgan.„Luqmoni hakim“ „Oʻzbek xalq ijodi“ koʻp jildli kitoblar seriyasiga kiritilgan. Tahrir hayʼati Komil Imomov, Nizom Komilov, Toʻra Mirzayev, Baxtiyor Nazarov, Bahodir Sarimsoqov, Yusuf Sultonov, Turob Toʻla, Shonazar Shoabdurahmonov, Solih Qosimovlardan iborat boʻlgan. Asarni nashrga tayyorlashda yana quyidagi shaxslar ishtirok etgan: M. Tursunov – muharrir, B. Nemirovskiy – rassom, A. Bobrov – rasmlar muharriri, E. Saidov – texnik muharrir, Z. Tojiyev – musahhih. Kitob adadi – 90 000 nusxa. Source: Wikipedia (uz)