Awdures ac athrawes o Gymraes oedd Gwenno Hywyn (1949–1991). Ysgrifennodd nifer o nofelau poblogaidd ar gyfer pobl ifanc yn cynnwys Tydi Bywyd yn Boen, a addaswyd i gyfres deledu yn 1990. Magwyd Gwenno yn Llundain nes oedd yn 13 oed ac yna aeth i fyw ym Mhorthmadog a Phen-y-groes. Graddiodd yn y Gymraeg o Goleg Prifysgol Bangor a gweithiodd fel athrawes ail-iaith am gyfnod. Ym 1982 rhoddodd y gorau i ddysgu er mwyn canolbwyntio ar ysgrifennu. Source: Wikipedia (cy)