Ramon Olasagasti Aiestaran
Ramon Olasagasti Aiestaran (Berrobi, Gipuzkoa, 1972ko apirilaren 25a) kazetaria da. 1993tik 2006ra bitartean Euskaldunon Egunkarian eta Berrian jardun zuen lanean, hainbat sailetan, eta egun, itzulpengintzan egiten du lan. Mendia, bidaiak eta natura gogoko izanik, batez ere mendiko informazioa jorratu izan du prentsan, eta mendiari lotuta hainbat liburu argitaratu ditu: Mendiminez (2007) biografia liburua (gaztelaniara Las cumbres del alma bezala itzulia), Josune Bereziartu, hatz puntak (2004), Hiru pauso, hiru norabide (1999) edota Sei arrasto Eskandinavian (1998), esaterako. Beste zenbait liburu ere argitaratu ditu, helduei nahiz haur eta gazteei zuzenduak. Berak idatzitako liburuez gain, Mikel Valverderen Rita bildumako azken tituluak itzuli ditu euskarara, eta baita Baporea bildumarako beste argitalpen batzuk ere. Literatur sari batzuk ere irabazi ditu. Source: Wikipedia (eu)
Human - wd:Q31766309