Linus Torvalds

1969 -

photo credits: Wikimedia Commons

ŝtataneco: Usono, Finnlando

denaska lingvo: finna sveda dialekto

lingvoj parolataj, skribataj aŭ signataj: finna sveda dialekto, finna lingvo, angla lingvo

lernejo: Universitato de Helsinko, Svenska normallyceum

okupo: programisto

honorigo: Millennium Technology Prize, Computer Pioneer Award, Grandaj finnoj, Lovelace Medal, honorary doctor of Stockholm University, EFF Award, doctor honoris causa of the University of Helsinki, Computer History Museum fellow, Interreta Halo de Famo, European of the Year, IEEE Masaru Ibuka Consumer Electronics Award, Nokia Foundation Recognition Award

oficiala retejo: torvalds-family.blogspot.com

Linus Benedict TORVALDS [LInus BEnedikt TURvalds] (naskiĝis en 1969) estas svedlingva finnlandana komputilsciencisto loĝanta en Usono. Li estas fama unuarange pro tio, ke li iniciatis la kernon de la mastruma sistemo Linukso (Linux), kiun li kreis en 1991 kiel studanto ĉe la Universitato de Helsinko. Li magistriĝis en 1996 en la sama universitato, kiu jam en 2000 atribuis al li honoran doktorecon. Li ankoraŭ gvidas kaj ordigas la laboron pri Linukso (kiel "bonvola diktatoro"), sed nun multaj aliaj personoj kontribuas al la kerno. En 1997 Torvalds transloĝiĝis al Silicia Valo en Kalifornio, Usono, kie li eklaboris ĉe la kompanio Transmeta. En 2003 li forlasis Transmeta-n por dediĉi sian tempon plene al la Linuksa kerno. Kvankam Torvalds estas de Finnlando, kaj rigardas sin kiel finnon, lia denaska lingvo estas la sveda. La persona bonŝanco-pupo de Torvalds estas la pingveno Tux, kiu estas modelo por la vaste uzata simbolo de Linukso en ties uzanto-komunumo. Source: Wikipedia (eo)