Nofelydd Cymraeg yw Daniel Davies (ganwyd 1966). Ganwyd yn Llanarth, Ceredigion. Cafodd ei addysg yn Ysgol Gynradd Llanarth ac Ysgol Uwchradd Aberaeron cyn iddo gwblhau gradd mewn cemeg a doethuriaeth yn yr un pwnc ym Mhrifysgol Aberystwyth. Bu’n ohebydd ar gyfer y Cambrian News cyn iddo symud i weithio fel newyddiadurwr ar-lein gyda BBC Cymru. Mae'n byw gyda'i deulu ym Mhen-bont Rhydybeddau, Ceredigion. Yn 2011 enillodd Wobr Goffa Daniel Owen yn Eisteddfod Genedlaethol Cymru Wrecsam am ei nofel Tair Rheol Anhrefn. Source: Wikipedia (cy)