Yoseba Peña Landaburu (Sodupe, Bizkaia, 1977ko ekainaren 13a) informatikaria, antropologoa eta filosofoa da ikasketaz, irakaslea ogibidez eta idazlea zaletasunez. 2012an argitaratu zuen bere lehenengo eleberria, eta geroztik beste hainbat liburu idatzi ditu, gehientsuenak gazteei zuzendutako nobelak direlarik. Horrez gain, eta literaturaren alorrean, Beste hitzak programan parte hartu zuen 2016an, Irlandan sorkuntza-egonaldi bat eginez, 2014tik Literaturia jaialdiko antolatzaileetako bat da eta Zarauzko Motxian bertso-eskolan gai-jartzaile lanetan eta Kopla Txapelketaren antolaketa-lanetan ere ibilia da. Source: Wikipedia (eu)