Carlos Magdalena (18 de setiembre de 1972, Xixón) ye un botánicu y hortalaneru asturianu espertu en recuperar especies de plantes que tán a piques de la estinción. Ye conocíu como "L'home que xuxuriaba a les plantes" o "El mesías" Siempre-y prestaron les plantes, el so güelu yera agricultor, y la so ma tenía una floristeria, pero la so formación específica entama cuando entra d'adeprendiz nel Xardín Botánicu de Kew, pasando darréu a trabayador y dempués a estudiante de la diplomatura de tres años del prestixosu centru. Source: Wikipedia (ast)